• Þjóðbraut 1, 300 Akranes
  • Mán - Fim: 8:00 - 16:00, Föstudaga 08:00 - 15:15
Fréttir

Fréttir

21
 Apr

Heildarhagnaður allra sjóða Verklýðsfélags Akraness var rétt tæp 21 milljón króna á síðasta ári

Endurskoðandi Verkalýðsfélags Akraness hefur kynnt fyrir stjórn félagsins ársreikninga félagsins fyrir árið 2004.  Heildarhagnaður allra sjóða félagsins nam tæpri 21 milljón króna sem er 115% aukning miðað við árið áður.  Það verður að segjast alveg eins og er að nýkjörinni stjórn hefur svo sannarlega tekist vel upp á sínu fyrsta starfsári.  Það mun samt sem áður taka nokkurn tíma í viðbót að vinna Verklýðsfélag Akraness úr þeim hremmingum sem búið var að koma félaginu í.  Eitt er víst að stjórn félagsins er svo sannarlega  á réttri leið með að vinna félagið úr þeim erfiðleikum sem það var komið í.   Hægt að skoða myndir þegar endurskoðandi félagsins fór yfir reikiningina með stjórn félagsins.  Smellið á myndir og síðan stjórnarfundir.

20
 Apr

Samráðsnefnd Íslenska járnblendifélagsins fundaði í fyrsta skipti í gær

Þegar kjarasamningur Íslenska járnblendifélagsins var gerður þá var ákveðið að skipa samráðsnefnd með þremur fulltrúum starfsmanna og þremur frá fyrirtækinu.  Tilgangur með samráðsnefndinni var að bæta samskiptin milli starfsmanna og fyrirtækisins.  Mikil óánægja hafði verið hjá starfsmönnum um langt skeið með samskiptin við forsvarsmenn ÍJ.  Forsvarsmenn Íj sýndu mikinn vilja til að laga og bæta samskiptin við starfsmenn og þess vegna var Samráðsnefndin skipuð.  Verkalýðsfélag Akraness fagnar því að fyrsti fundur samráðsnefndar skuli hafa verið haldinn í gær.   Ákveðið var á fundinum í gær að starfsmenn skyldu eiga áheyrnarfulltrúa á stjórnarfundum hjá Íslenska járnblendifélaginu, sem afar jákvætt fyrir starfsmenn.  Einnig kom til tals hjá nefndinni að funda hálfs mánaðarlega

18
 Apr

Ekki góð niðurstaða að 48% starfsmanna Norðuráls séu óánægðir með nýgerðan kjarasamning

Það verður að segjast alveg eins og er að niðurstaðan úr kosningu um nýjan kjarasamning við Norðurál hefði svo sannarlega mátt vera afdráttarlausari heldur raunin varð.  Það er alls ekki gott fyrir fyrirtækið að 102 starfsmenn eða  48% þeirra séu ekki ánægðir með kjarasamninginn og hafi því greidd atkvæði gegn honum.  Það kom skýrt fram á kynningarfundunum að starfsmenn voru ekki á eitt sáttir með breytinguna á vaktafyrirkomulaginu.  Það kom líka fram á fundunum að starfsmenn voru almennt nokkuð sáttir við hækkanirnar á launaliðunum, þó vissulega hefðu menn viljað jafna launin við Ísal í þessum áfanga. 

Samningarnefnd stéttarfélaganna var það orðið ljóst að ekki yrði lengra komist án átaka.  Einnig lá það líka fyrir að kjarasamningurinn var að gefa starfsmönnum Norðuráls 24.5% á samningstímanum.  Kjarasamningar Ísals og Íslenska járnblendifélagsins sem voru gerðir fyrir skemmstu gáfu sínum starfsmönnum 21% á samningstímanum.  Því var samninganefndin sammála um að leggja nýgerðan kjarasamning í dóm starfsmanna.   Vegna þeirra staðreynda að ekki yrði lengra komist án átaka.  Starfsmenn Norðuráls kusu síðan um kjarasamninginn og niðurstaðan var  eins og flestir vita.  Einungis munaði fjórum atkvæðum að samningur hefði ekki verið samþykktur.  Vandamálið sem samninganefnd stéttarfélaganna átti við að etja í þessum samningaviðræðum, var að kjarasamningurinn sem gerður var 1998 fyrir starfsmenn Norðuráls var svo gríðarlega slakur.  Því voru væntingar starfsmanna vegna nýs kjarasamnings eðlilega mjög miklar og starfsmenn kröfðust leiðréttingar á sínum launakjörum á við aðrar verksmiðjur.  Lítið dæmi um þann launamun sem ríkti á sumum kjaraatriðum starfsmanna Norðuráls miðað við aðrar verksmiðjur, var að orlofs og desemberuppbætur voru fyrir samning  rétt rúmar 80.000 þúsund, verða eftir samning 193.404.  Hækka um 112.000 á ári.  Þessi mikla hækkun gerir ekkert annað en að jafna orlofs og desemberuppbætur á við aðrar sambærilegar verksmiðjur. 

15
 Apr

Algjör viðsnúningur í rekstri Verkalýðsfélags Akraness

Eins og kom fram á heimasíðunni í gær þá fundaði stjórn félagsins í gærkveldi og á þeim fundi var samþykkt að aðalfundur félagsins yrði haldinn miðvikudaginn 27. apríl  kl. 20.00 að Kirkjubraut 40 þriðju hæð.  Endurskoðandi félagsins mætti á fundinn í gær og fór yfir reikninga félagsins og útskýrði fyrir stjórnarmönnum afkomu  félagsins.  Allir sjóðir félagsins eru reknir með hagnaði  árið 2004 sem er algjör viðsnúningur miðað við árið í 2003.  Fyrir árið 2004 var félagsjóður rekinn með hagnaði.  Árið 2003 var tap á félagssjóði uppá tæpar 2 milljónir.  Það fer ekki á milli mála að nýkjörinni stjórn hefur tekist mjög vel upp á sínu fyrsta starfsári sem er mikil hvatning fyrir núverandi stjórn fyrir komandi ár. 

14
 Apr

Aðalstjórn félagsins fundar í kvöld

Stjórn félagsins mun funda í kvöld kl. 20:00.  Dagskrá fundarins er eftirfarandi:

  • Reikningar félagsins fyrir liðið starfsár.  Endurskoðandi félagsins kemur og fer yfir reikningana.
  • Aðalfundur félagsins eins og áður hefur komið fram þá verður aðalfundur Verkalýðsfélags Akraness að öllum líkindum miðvikudaginn 27. apríl.

það liggur orðið fyrir að afkoma félagsins þetta fyrsta starfsár  núverandi stjórnar er mun betri heldur en árið 2003.  Þrátt fyrir stóraukna þjónustu við félagsmenn og aukin útgjöld vegna þess. 

13
 Apr

Kjarasamningur Norðuráls var samþykktur með fjögra atkvæða mun

Talning atkvæða vegna kosningu um nýjan kjarasamning.

 Grundartanga 13. apríl 2005

 

Niðurstaða úr atkvæðagreiðslu um nýjan kjarasamning milli hlutaðeigandi verkalýðsfélaga og Norðuráls sem undirritaður var þann 1. apríl 2005.  Atkvæði voru talinn í kvöld og urðu niðurstöður þessar:

 

Á kjörskrá voru                           246

Atkvæði greiddu                          212

Kjörsókn                                     86,18

 

Já     sögðu                                 106              50%

Nei  sögðu                                  102              48,2%

Auðir og ógildir                           4                  1,8%

13
 Apr

Talið verður í kvöld í atkvæða greiðslunni um kjarasamning Norðuráls

Kosningu um kjarasamning Norðuráls lýkur kl. 19:30 í kvöld.  Talning í mun hefjast strax eftir að kosningu lýkur.  Niðurstaða úr talningunni verður birt hér á heimsíðufélagsins um leið og niðurstaða liggur fyrir.

12
 Apr

Stjórn og trúnaðarráð fundar í kvöld

Fundur verður haldinn í stjórn og trúnaðarráði félagsins í kvöld og hefst fundurinn kl. 20:00.  Aðal mál fundarins eru nýgerðir kjarasamningar félagsins.  Dagskrá aðalfundarins verður líka til umræðu.   Að öllum líkindum verður aðalfundur félagsins haldinn miðvikudaginn 27. apríl.  Endanleg ákvörðun um það mun liggja fyrir eftir fund hjá aðalstjórninni, en fundurinn verður haldinn fimmtudaginn 14. apríl

11
 Apr

Undirbúningur að 1. maí hafinn

Undirbúningur að hátíðarhöldum á 1. maí er hafinn.  Fundað var á skrifstofu Verkalýðsfélags Akraness í seinni partinn í dag.  Það eru öll stéttarfélög á Akranesi sem standa að 1. maí þau eru:  Verkalýðsfélag Akraness Kennarafélag Íslands, Sjúkraliðafélag Íslands, Félag-iðn og tæknigreina, Stak og Verslunarmannafélag Reykjavíkur. 

08
 Apr

Búið að kynna nýgerðan kjarasamning fyrir öllum starfsmönnum Norðuráls

Síðustu kynningarfundirnir voru haldnir í dag það voru B og D vaktirnar sem fengu sína kynningu í dag.  Það fór ekki á milli mála í þessum kynningum að væntingar starfsmanna til nýs kjarasamnings voru töluverðar.   Það eðlilegt að starfsmenn hafi haft væntingar til þessa samnings þar sem  kjarasamningur starfsmanna Norðuráls frá árinu 1998 var mun lakari heldur en aðrir stóriðjusamningar.   Eins og áður hefur komið fram hér á heimasíðu félagsins þá er það aðallega breytingin á vaktafyrirkomulagi sem leggst illa í starfsmenn.   Það er samt sem áður mat Verkalýðsfélags Akraness að það hafi verið stígið mikilvægt skref í átt til jöfnunar á launum starfsmanna Norðuráls á við aðrar verksmiðjur.   Þó vissulega hefði félagið viljað jafna launin að fullu við Ísal í þessum samningum.  Lengra varð því miður ekki komist í þessari samningalotu.

Verkalýðsfélag Akraness vill þakka Ólafi Darra hagfræðingi Así kærlega fyrir aðstoðina við gerð þessa kjarasamnings, og einnig aðstoðina við kynningarnar á kjarasamningum, hún var ómetanleg. 

Page 185 of 208

Fréttir

Nýjar fréttir

Verkalýðsfélag Akraness

Verkalýðsfélag Akraness
Kt. 680269-6889

Til skrifstofunnar geta félagsmenn leitað eftir
upplýsingum og annarri aðstoð.

  • Þjóðbraut 1,

    300 Akranes

  • Sími:

    4309900

  • Netfang:

    skrifstofa@vlfa.is

Afgreiðslutími

Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.

Nýjar fréttir

Style Switcher
Layout Style
Predefined Colors
Background Image