Það er mikið atriði fyrir launafólk að geta farið yfir það hvort laun og aðrar greiðslur séu í samræmi við kjarasamninga, þ.e. kannað hvort þeirra launaseðill sé réttur.

Starfsgreinasambandið, fyrir hönd allra sinna aðildarfélaga, hefur látið setja upp reiknivél sem félagsmenn geta nýtt sér til að reikna út laun sín, kannað hvort launaseðlar þeirra séu réttir og annað sem snertir margvíslegar greiðslur.

Leitast hefur verið við að hafa reiknivélina eins einfalda og kostur er og má því búast við að hún nái ekki alveg utan um öll möguleg tilfelli. Hér eru komnar tvær reiknivélar sem félagsmenn geta vonandi nýtt sér. Notendur eru beðnir að koma ábendingum og athugasemdum á framfæri á sgs@sgs.is.

SGS hefur nú bætt við möguleikum í reiknivélinni sem býður nú upp á fleira s.s orlofsuppbót, hækkun launa og fl.

Með þessu framtaki er verið að leitast við að efla þjónustuna við félagsmenn og gera þeim auðveldara að gæta sinna hagsmuna og kjara.

Hér getur þú reiknað út launin þín, kannað hvort launaseðlar séu réttir og annað sem snertir margvíslegar greiðslur.