• Þjóðbraut 1, 300 Akranes
  • Mán - Fim: 8:00 - 16:00, Föstudaga 08:00 - 15:15
Subscribe to this RSS feed
Björg Bjarnadóttir ráðin sem framkvæmdastjóri Starfsgreinasambands Íslands
27
 Jul

Björg Bjarnadóttir ráðin sem framkvæmdastjóri Starfsgreinasambands Íslands

Björg Bjarnadóttir hefur verið ráðin nýr framkvæmdastjóri Starfsgreinasambands Íslands og mun hún hefja störf 1. október næstkomandi.

Björg starfaði sem skrifstofustjóri hjá einu af aðildarfélögum SGS í um 13 ár og þekkir því innviði í starfsemi stéttarfélaga mjög vel. Frá 2018 hefur Björg starfað við kennslu í Fjölbrautarskóla Vesturlands ásamt því að gegna stöðu forstöðumanns bókasafns og sjá um skjalavörslu fyrir fjölbrautarskólann. Hún hefur einnig starfað sem VIRK-ráðgjafi fyrir öll stéttarfélögin á Akranesi og var einn af fyrstu ráðgjöfum sjóðsins og tók þátt í þróun og uppbyggingu þjónustunnar frá upphafi. Hún sat sem aðalmaður í stjórn Festu lífeyrissjóðs frá 2013-2015 og sem varamaður frá 2015-2019 auk þess sem hún sat í verðlagsnefnd búvara á árunum 2015-2017. Þá hefur Björg sinnt hinum ýmsu félags- og sjálfboðaliðastörfum, m.a. umsjón með vikulegu barnastarfi hjá Rauða krossinum.

Björg hefur lokið meistaranámi í upplýsingarfræði (MIS-gráða), ásamt því að vera með viðbótardiplóma í opinberri stjórnsýslu, kennsluréttindi á meistarastigi og starfsréttindi sem grunn- og framhaldsskólakennari. Hún er auk þess með BA-próf í íslensku og stúdentspróf af félagsfræðibraut.

Ráðningarferlið var í höndum Hagvangs en alls bárust 13 umsóknir um stöðuna. Starfsgreinasambandið býður velkomna til starfa og óskar henni velfarnaðar í störfum sínum fyrir sambandið.

 
Sumarfrí
21
 Jul

Sumarfrí

Vikuna 25. júlí til og með 29. júlí er skrifstofa félagsins lokuð vegna sumarleyfa.

Við opnum aftur þriðjudaginn 2. ágúst.

Ef erindið er mjög nauðynlegt má senda okkur póst á This email address is being protected from spambots. You need JavaScript enabled to view it. 

 

 

Kröfugerð SGS afhent Samtökum atvinnulífsins
24
 Jun

Kröfugerð SGS afhent Samtökum atvinnulífsins

Viðræðunefnd Starfsgreinasambands Íslands afhenti fulltrúum Samtaka atvinnulífsins kröfugerð 17 aðildarfélaga sambandsins á síðasta miðvikudag. Í kröfugerðinni kemur skýrt fram að SGS leggur áherslu á að samið verði í anda þeirrar hugmyndafræði sem gert var í svokölluðum lífskjarasamningi þar sem horft var á krónutöluhækkanir sem og hagvaxtarauka ásamt fjölmörgum öðrum kröfum er lúta að hinum ýmsu réttindum félagsmanna.

Það er alveg ljóst að ef það á að takast að ganga frá kjarasamningum í haust þarf að mynda sterka keðju sem samanstendur af aðilum vinnumarkaðarins, stjórnvöldum, sveitarfélögum, verslun og þjónustu sem og aðkomu Seðlabankans. Þær kostnaðarhækkanir sem dunið hafa á launafólki, heimilum og neytendum á liðnum mánuðum, kostnaðarhækkanir sem nema í sumum tilfellum tugþúsunda aukningu á greiðslubyrði, munu ekki verða látnar átölulausar og því mikilvægt að allir komi að borðinu.

Það er einnig ljóst að ef ekki næst að auka ráðstöfunartekjur launafólks með margvíslegum hætti þá er verkalýðshreyfingunni nauðugur sá kostur að gera það að fullu í gegnum kjarasamningna í formi kauphækkana.

Viðræður munu hefjast að fullu að loknum sumarleyfum þó vissulega muni óformlegt spjall eiga sér stað áður en formlegar viðræður hefjast.

Sjómannadagurinn
13
 Jun

Sjómannadagurinn

Verkalýðsfélag Akraness vill óska öllum sjómönnum og fjölskyldum þeirra innilega til hamingju með daginn.

Sjómannadagurinn byrjaði á minningarorðum við minningarreit um týnda sjómenn í kirkjugarðinum hér á Akranesi, en þar var lagður blómsveigur til minningar um þá sjómenn sem ekki hafa fundist og hvíla hina votu gröf.

Að lokinni minningarstundinni var haldinn guðsþjónusta í Akraneskirkju sem var virkilega falleg, en þar var íslenskum sjómönnum þakkað þeirra frábæra framlag til gjaldeyrisöflunar fyrir þjóðarbúið. Að lokinni guðsþjónustunni var haldið að Akratorgi þar sem blómsveigur var lagður að styttu sjómannsins til minningar um látna sjómenn.

Það er mikilvægt fyrir almenning í þessu landi að þakka og sýna íslenskum sjómönnum virðingu fyrir þeirra störf sem eru oft á tíðum hættuleg og við krefjandi aðstæður, en eitt er víst að íslenskt samfélag væri ekki jafn sterkt ef ekki væri fyrir þá gjaldeyrisöflun sem sjómenn og fiskvinnslufólk skapar dag hvern.

Veiðileyfi í Svínadal endurgreitt að hámarki 5.900 kr.
09
 Jun

Veiðileyfi í Svínadal endurgreitt að hámarki 5.900 kr.

Verkalýðsfélag Akraness vill minna félagsmenn á félagið endurgreiðir félagsmönnum sínum veiðileyfi í vötnunum í Svínadal að fjárhæð 5.900 kr. En í Svínadal í Hvalfirði eru 3 vötn, Eyrarvatn, Þórisstaðavatn og Geitabergsvatn.

Í þeim veiðist urriði, bleikja, sjóbirtingur og eitthvað af laxi þegar kemur fram á sumarið.

Hægt er að kaupa dagleyfi á kr. 2.500.- eða Sumarkort á kr. 5.900.- sem gilda í öll vötnin í allt sumar.

Frítt er fyrir börn 14 ára og yngri í fylgd með veiðileyfishafa.

Dagleyfin og Sumarkortin eru seld í gegnum netfangið This email address is being protected from spambots. You need JavaScript enabled to view it.

Eins og áður hefur komið fram endurgreiðir Verkalýðsfélag Akraness veðileyfin að hámarki 5900 kr..

Frá þingi SGS í mars
25
 May

Kjaramálaráðstefna SGS haldin á Hótel Örk

Kjaramálaráðstefna Starfsgreinasambands Íslands var haldin á Hótel Örk dagana 23. og 24. maí. Þar var unnið að drögum að komandi kröfugerð vegna kjarasamninganna sem losna í haust.

Það er skemmst frá því að segja að öll aðildarfélög SGS hafa nú þegar skilað umboði og kröfugerðum til SGS að undanskildum Stéttarfélagi Vesturlands og Eflingu. Ástæðan fyrir því að Efling hefur ekki skilað umboði og kröfugerð er vegna aðstæðna í félaginu en mikil vinna er við að koma skipulagi á starfsemi félagsins og því dregst hjá þeim að geta gengið frá sinni kröfugerð. Að sjálfsögðu er tekið tillit til slíkra aðstæðna en tíminn mun leiða í ljós hvort Efling muni ekki örugglega koma með okkur í komandi kjaraviðræður og telur formaður umtalsverðar líkur á að svo verði.

Það var ánægjulegt að sjá að mikill samhljómur var í kröfugerðum aðildarfélaga SGS en fyrri dag ráðstefnunnar gerðu formenn aðildarfélaga SGS grein fyrir kröfugerðum frá sínum félögum og eins og áður sagði voru kröfugerðirnar margar hverjar samhljóma.

Það sem stóð upp úr var að flestir vilja halda áfram með þá hugmyndafræði sem byggð var upp í lífskjarasamningnum sem undirritaður var í apríl 2019 og mun kröfugerð SGS væntanlega endurspegla þá hugmyndafræði. En það er ljóst að aðkoma stjórnvalda að kjarasamningunum í haust þarf að vera umtalsverð eins og hún var 2019. Því er mikilvægt að þríhliða viðræður eigi sér stað, það er að segja atvinnurekendur, verkalýðshreyfingin og stjórnvöld, ef á að vera hægt að ganga frá kjarasamningum í haust.

Gengið verður endanlega frá kröfugerðinni 8. júní en þá verður fundur haldinn á Grand Hóteli þar sem kosið verður um kröfugerðina og kosið í viðræðunefnd sem og tilkynnt hverjir munu leiða hvern hóp fyrir sig.

Page 20 of 487

Fréttir

Nýjar fréttir

Verkalýðsfélag Akraness

Verkalýðsfélag Akraness
Kt. 680269-6889

Til skrifstofunnar geta félagsmenn leitað eftir
upplýsingum og annarri aðstoð.

  • Þjóðbraut 1,

    300 Akranes

  • Sími:

    4309900

  • Netfang:

    skrifstofa@vlfa.is

Afgreiðslutími

Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.

Nýjar fréttir

Style Switcher
Layout Style
Predefined Colors
Background Image