Fundur var haldinn í endurskoðunarnefnd sem fjallar um hið nýja bónuskerfi starfsmanna Íslenska járnblendifélagsins á föstudaginn sl.  Í síðasta kjarasamningi sem gerður var við Íslenska járnblendið var tekið upp nýtt bónuskerfi fyrir starfsmenn fyrirtækisins. Í samningum segir  komi í ljós að bónuskerfin séu ekki að skila verulega bættum árangi og þar með hækkandi bónusgreiðslum  til handa starfsmönnum Íj skal fara fram endurskoðun á bónuskerfinu.  Þetta endurskoðunarákvæði nýtti Verkalýðsfélag Akraness sér og fundaði ásamt aðaltrúnaðarmanni með forsvarsmönnum Íj.  Fundurinn  var afar ganglegur og eru aðilar að skoða þá þætti bónussins sem ekki hefur verið að skila því sem samningsaðilar vonuðust til.  En flestir þættirnir í bónusnum hafa gefið það sem samningsaðilar vonuðust til.  Því miður var einn þáttur í nýja bónuskerfinu sem ekkert hefur gefið  starfsmönnum, en það er hreinsaður málmur- milli seljanlegs efnis og útsteypt hreinsaðs efnis.  Eins og áður sagði eru samningsaðilar að reyna að finna út vegna hvers þessi þáttur bónussins hefur ekki virkað sem skildi. 

Gissur Pétursson forstjóri vinnumálastofnunar kom í heimsókn á skrifstofu félagsins ásamt Guðmundi Páli Jónssyni  forseta bæjarstjórnar og Guðrúnu Gísladóttur forstöðumanni Svæðisvinnumiðlunar Vesturlands.  Formaður félagsins ræddi við forstjóra vinnumálastofnunar um þá þróun sem átt hefur sér stað á síðustu misserum og snýr að erlendum starfsmönnum sem eru ráðnir í gegnum erlendar starfsmannalegur.  Formaður félagsins gerði forstjóra Vinnumálastofnunar grein fyrir áhyggjum félagsins með þá  þróun sem er að eiga sér stað í kringum erlendar starfsmannaleigur.   Oft á tíðum er verið að greiða þessum erlendu starfsmönnum sem koma í gegnum erlendar starfsmannaleigur langt undir gildandi kjarasamningum. Gissur Pétursson  sagði að Útlendingastofnun og Vinnumálastofnun hafi ákveðið í samráði við ráðuneyti dómsmála og félagsmála að breyta verklagi við afgreiðslu umsókna frá ríkisborgurum hinna átta nýju aðildarríkja EES samningsins.  Í þessu felst að afgreiðsla umsóknanna mun taka mun skemmri tíma en áður. Þannig er  áréttaður forgangur ríkisborgara þessara landa að íslenskum vinnumarkaði umfram ríkisborgara landa utan EES svæðisins.  Með þessari ráðstöfun er einnig á skemmri tíma en áður unnt að koma til móts við  óskir atvinnulífsins um leyfi  til að ráða erlent vinnuafl.  Verkalýðsfélag Akraness fagnar þessu breyta verklagi Vinnumálastofnunar og Útlendingastofnunar við afgreiðslu á umsóknum um atvinnuleyfi.