• Þjóðbraut 1, 300 Akranes
  • Mán - Fim: 8:00 - 16:00, Föstudaga 08:00 - 15:15
Subscribe to this RSS feed
Áskorun til fyrirtækja
04
 Jan

Áskorun til fyrirtækja

Hefði samninganefnd Alþýðusamband Íslands og Samtaka atvinnulífsins ekki gert tvívegis samkomulag um frestun launahækkana frá þá hefðu laun á hinum almenna vinnumarkaði átt að hækka um 2,5% nú um áramótin. En samkvæmt samkomulaginu þá mun sú hækkun ekki taka gildi fyrr en 1. júní 2010.

Verkalýðsfélag Akraness hefur frá upphafi mótmælt þessari ákvörðun og linkind samninganefndar Alþýðusambands Íslands vegna þeirrar staðreyndar að til eru fyrirtæki sem hafa fulla fjárhagslega burði til að standa við þann hófstillta samning sem gerður var þann 17. febrúar 2008. Nægir að nefna í því samhengi öll úrflutningsfyrirtæki sem hafa verið að gera ágætis hluti sökum gengishruns krónunnar. Nú þegar hefur íslenskt verkafólk orðið af á annað hundrað þúsunda króna vegna þeirra óskiljanlegu samkomulaga sem samninganefnd ASÍ gerði við Samtök atvinnulífsins.

Á þessari forsendu skorar Verkalýðsfélag Akraness á öll fyrirtæki sem hafa fjárhagslega burði til að standa við þann kjarasamning sem gerður var þann 17. febrúar 2008 og koma með 2,5% launahækkun frá 1. janúar 2010 eins og samningurinn kvað á um.

Góður jólatrúnaðarráðsfundur haldinn í gær
30
 Dec

Góður jólatrúnaðarráðsfundur haldinn í gær

Hinn árlegi jólatrúnaðarráðsfundur Verkalýðsfélags Akraness var haldinn í gær. Meginefni fundarins var að formaður gerði grein fyrir því ári sem nú er senn á enda og einnig hafði stjórn félagsins ákveðið að heiðra gamlan baráttumann félagsins, Ásmund Una Guðmundsson, en hann hefur verið viðriðinn stjórn félagsins með einum eða öðrum hætti frá árinu 1965.

Fram kom í máli formanns að árið í ár væri búið að vera afar viðburðaríkt í ljósi þess ástands sem nú ríkir í íslensku efnahags- og atvinnulífi. Fór formaður yfir frestun á þeim launahækkunum sem áttu að taka gildi á síðasta ári samkvæmt kjarasamningi frá 17. febrúar 2008 en eins og allir vita hefur Verkalýðsfélag Akraness mótmælt harðlega því samkomulagi sem samninganefnd ASÍ og Samtök atvinnulífsins gengu frá bæði í febrúar og í júní. Það kom fram í máli formanns að það sé með ólíkindum að samninganefnd ASÍ skuli hafa gefið vel stæðum útflutningsfyrirtækjum tækifæri til að koma sér hjá þeim kjarasamningi sem um var samið á árinu 2008. Það kom einni fram í máli formanns að verkafólk sem ekki fékk sínar launahækkanir samkvæmt samningnum hafi orðið af fjárhæð sem nemur á annað hundrað þúsund króna vegna þessarar linkindar samninganefndar ASÍ.

30
 Dec

356 Akurnesingar án atvinnu

Það þarf að fara alveg aftur til ársins 1995 til að finna álíka mikið atvinnuleysi hér á Akranesi eins og staðan er í dag. Nú eru 356 Akurnesingar án atvinnu og er skipting á milli kynja nokkuð jöfn. Þessu til viðbótar eru 26 einstaklingar án atvinnu í svæðisnúmeri 301 sem eru nærsveitirnar hér í kringum Akranes.

Á Vesturlandi öllu eru 617 án atvinnu og er það gríðarleg fjölgun ef litið er til síðustu þriggja ára og álag á starfsmenn Vinnumálastofnunnar er mjög mikið en starfsmannafjöldi er jafnmikill nú og var fyrir þremur árum síðan þegar atvinnuleysið á Vesturlandi öllu var innan við 100 manns. Það er skýlaus krafa Verkalýðsfélags Akraness að starfsmönnum Vinnumálastofnunnar verði sköffuð þau starfsskilyrði svo viðunandi sé, bæði fyrir starfsmenn og síðast en ekki síst fyrir atvinnuleitendur.

Á þessu sést að staðan er nokkuð alvarleg þó svo að á okkar atvinnusvæði sé ástandið mun betra en á höfuðborgarsvæðinu og á Suðurnesjum. Það fjölgaði til dæmis um 15 manns í fiskvinnslu HB Granda eins og fram kom hér á heimasíðunni í gær og einnig hefur stóriðjan á Grundartanga haldið lífæð atvinnulífsins gangandi.

Verkalýðsfélag Akraness fagnar fjölgun starfa hjá HB Granda
29
 Dec

Verkalýðsfélag Akraness fagnar fjölgun starfa hjá HB Granda

Um 3.800 tonn af bolfiski fóru til vinnslu hjá fiskiðjuveri HB Granda á Akranesi á árinu sem er að líða. Þetta er mun meira en áætlanir gerðu ráð fyrir og var starfsmönnum fjölgað í samræmi við aukin umsvif. Í byrjun árs voru 25 starfsmenn í vinnu hjá HB Granda á Akranesi en þeir eru nú um 40 talsins.

Torfi Þ. Þorsteinsson, framleiðslustjóri HB Granda, segir í samtali við vef fyrirtækisins að vinnsla á þorski hafi verið aukin að nýju í fiskiðjuverinu á Akranesi á árinu og alls hafi um 3.200 tonn af þorski verið unnin þar. Vinnsla á ufsa nemi um 600 tonnum.

"Það var aukið við þorskkvótann í janúar sl. og það skilaði sér strax í auknum umsvifum í landvinnslunni á Akranesi. Ekkert hlé varð á vinnslunni í sumar. Við réðum 15 námsmenn til starfa yfir hásumarið og allt voru þetta ákaflega dugleg ungmenni sem við vonumst til að fá aftur til vinnu á næsta ári,“ segir Torfi. Ekki hefur fallið niður vinna í einn einasta dag á þessu ári vegna hráefnisskorts hjá HB Granda á Akranesi.

,,Það var mjög mikið að gera í sumar sem leið og í júlímánuði var t.d. unnið frá klukkan 6 á morgnana og fram til kl. 18 alla virka daga og sömuleiðis var unnið á laugardögum. Starfsmenn hafa sýnt mikinn dugnað og sveigjanleika og alltaf verið tilbúnir að bæta við sig vinnu þegar á þarf að halda. Sala og vinnsla hefur sömuleiðis gengið mjög vel.  Allir þorskhnakkar eru seldir ferskir og fara með flugi á markaði á meginlandi Evrópu. Afurðirnar eru seldar á hæsta verði og viðskiptamenn okkar sætta sig ekki við annað en fyrsta flokks vöru. Ufsavinnslan er einnig stór þáttur í starfseminni á Akranesi. Ufsinn er léttsaltaður og lausfrystur og fer á markað í Brasilíu og Suður-Evrópu,“ segir Torfi.

Í jólafríi var ráðist í töluverðar lagfæringar á vinnslulínum hjá HB Granda á Akranesi. Bætt var við niðurskurðarvél og flokkara og pökkunaraðstaða var endurbætt.  Einnig voru gólf lagfærð og tækifærið notað til að sinna annarri viðhaldsvinnu.

Verkalýðsfélag Akraness fagnar þessari auknu starfsemi hjá HB Granda hér á Akranesi.  Sérstaklega í ljósi þess að gríðarleg fækkun starfa hefur verið í landvinnslu HB Granda á undanförnum árum og sé dæmi þá voru um 120 manns sem störfuðu í landvinnslunni hér á Akranesi á árinu 2003.
Ályktun um sjómannaafsláttinn samþykkt
28
 Dec

Ályktun um sjómannaafsláttinn samþykkt

Rétt í þessu var að ljúka aðalfundi sjómannadeildar Verkalýðsfélags Akraness. Auk venjubundinna aðalfundarstarfa var samþykkt ályktun vegna áforma ríkisstjórnar Íslands um að afnema sjómannaafsláttinn. Í ályktuninni segir meðal annars:

Aðalfundur sjómannadeildar hvetur alla sjómenn til að standa þétt saman í því að koma í veg fyrir þessi áform og mun sjómannadeild Verklýðsfélags Akraness ekki skjóta sér undan þeirri ábyrgð ef samstaða næst um aðgerðir til varnar sjómannaafslættinum.

Formaður félagsins fór yfir hin ýmsu mál er lúta að sjómannadeildinni og upplýsti fundarmenn um mikilvægi þess að kynna sér það sem félagið býður upp á, bæði er lýtur að sjúkrasjóði sem og greiðslum úr starfsmenntunarsjóði Sjómenntar og einnig aðra þjónustu sem félagið býður upp á. Farið var vítt og breitt um réttindamál sjómanna og voru fundarmenn sammála um mikilvægi þess að vanda vel til kjarasamningsgerðar en kjarasamningur sjómanna er laus eftir rétt rúmt ár.

Aðalfundur sjómannadeildar Verkalýðsfélags Akraness í dag
28
 Dec

Aðalfundur sjómannadeildar Verkalýðsfélags Akraness í dag

ið minnum á aðalfund sjómannadeildar Verkalýðsfélags Akraness sem verður í dag og hefst klukkan 14. Fundurinn verður haldinn í fundarsal félagsins að Sunnubraut 13.

Auk venjubundinnar aðalfundardagskrár munu áform ríkisstjórnarinnar um afnám sjómannaafsláttarins klárlega verða til umræðu enda er hér verið að höggva í starfskjör sjómanna sem hafa verið við lýði í hartnær 40 ár. Það er mat félagsins að það sé ekki hægt að láta þessi áform yfir sjómenn ganga átölulaust.

Page 265 of 492

Fréttir

Nýjar fréttir

Verkalýðsfélag Akraness

Verkalýðsfélag Akraness
Kt. 680269-6889

Til skrifstofunnar geta félagsmenn leitað eftir
upplýsingum og annarri aðstoð.

  • Þjóðbraut 1,

    300 Akranes

  • Sími:

    4309900

  • Netfang:

    skrifstofa@vlfa.is

Afgreiðslutími

Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.

Nýjar fréttir

Style Switcher
Layout Style
Predefined Colors
Background Image