Í dag lauk kynningu fyrir starfsmenn Íslenska járnblendifélagsins á þeim viðauka sem gerður var við kjarasamning Íj.  Það var C vaktin sem fékk sína kynningu í dag.  Eins og áður hefur komið fram hér á heimasíðunni þá hafa allar kynningarnar gengið mjög vel fyrir sig.  Verkalýðsfélag Akraness hvetur alla starfsmenn ÍJ til að nýtta kosningarétt sinn og kjósa um nýgerðan kjarasamning.  Talning mun fara fram hjá ríkissáttasemjara á miðvikudaginn kemur og hefst talningin kl 10:00.

Tveir kynningarfundir voru haldnir í dag um nýgerðan viðauka við kjarasamning Íslenska járnblendifélagsins. Fyrst voru það E vaktarmenn sem hlýddu á formann félagsins fara yfir samninginn og þann viðauka sem við samninginn var gerður, hófst fyrri kynningin  kl 13:00. Seinni kynningin var kl 16:00 og voru það starfsmenn af  D vaktinni sem þá mættu.  Í gærkveldi voru það dagmennirnir sem fengu sína kynningu.   Allar kynningarnar hafa gengið  mjög vel fyrir sig, og er afar ánægjulegt að sjá hversu  góð mæting starfsmanna er á  kynningarnar.  Síðasta vaktin sem fær kynningu á samningum er C vaktin.   Sú kynning fer fram á sunnudaginn nk, og hefst kl. 16:00.   Talning í kosningunni mun fara fram hjá ríkissáttasemjara á miðvikudaginn kemur og hefst talningin kl.10:00. Niðurstöður úr kosningunni verða birtar hér á heimasíðunni um leið og úrslit verða kunn.