Formenn Verkalýðsfélags Akraness og VR áttu mjög góðan fund með Ásgeiri Jónssyni seðlabankastjóra og Rannveigu Sigurðardóttur aðstoðarseðlabankastjóra á síðasta föstudag. Umræðuefni fundarins var m.a. verkefnin framundan og mikilvægi þess að stjórnendur peningamála séu í góðu sambandi við verkalýðshreyfinguna.

Þetta var afar góður fundur en eins og margoft hefur komið fram var eitt að lykilatriðum í lífskjarasamningum að ná niður vaxtastiginu hér á landi og hefur Seðlabankinn staðið við sitt í þeim efnum. En eins og flestir vita þá hafa stýrivextir Seðlabankans verið lækkaðir um 1,25% eftir að lífkjarasamningarnir voru undirritaðir en því miður hafa sérstaklega viðskiptabankarnir þrír ekki skilað því til neytenda,heimilanna og fyrirtækjanna nema að litlu leiti.