Til að sýna fram á hversu miklir hagsmunir eru hér í húfi fyrir heimilin og íslenska neytendur þá eru verðtryggðar skuldir heimilanna um 2000 milljarðar og hækkun á neysluvísitölunni upp á 1,8% hefur leitt til þess að skuldir heimilanna hafa hækkað um 36 milljarða á síðustu 12 mánuðum. Ef húsnæðisliðurinn hefði ekki verið inn í neysluvísitölunni til reikningar á verðtryggðum skuldum heimilanna þá hefðu þær lækkað um 10 milljarða! Hér er mismunur uppá 46 milljarða heimilunum í óhag!!!

Á þessu sést hversu mikið hagsmunamál er hér á ferðinni fyrir íslenska neytendur og núna er ekkert annað en í stöðunni en að stjórnvöld og Alþingi hlusti á kröfu þings ASÍ og taki húsnæðisliðinn út úr mælingunni hvað verðtryggðar skuldir heimilanna varðar og það strax eftir kosningar. Það er morgunljóst að Verkalýðsfélag Akraness mun fylgja þessari áskorun frá þingi ASÍ fast eftir!

Tillaga sem samþykkt var á þingi ASÍ hljóðaði með eftirfarandi hætti: „42. þing Alþýðusambands Íslands skorar á stjórnvöld og Alþingi að vísitala til neysluverðs til verðtryggingar skv. lögum um vexti og verðtryggingu verði hér eftir reiknuð út án húsnæðisliðar.“