Eins og undanfarin ár býður Verkalýðsfélag Akraness félagsmönnum sínum upp á aðstoð við gerð einfaldra skattframtala. 

Þessi þjónusta hefur alltaf mælst gríðarlega vel fyrir og venjulega kemst aðeins hluti þeirra að sem vilja. Af þeim sökum verða helmingi fleiri tímar í boði í framtalsaðstoð í ár en áður hafa verið.

Aðsóknin er síst minni nú en áður og eru þeir félagsmenn sem vilja nýta sér þessa þjónustu því hvattir til að panta tíma sem allra fyrst vilji þeir komast að.