Lagfæra þarf kjör fiskvinnslufólks sérstaklegaAðalsamninganefnd Starfsgreinasambands Íslands hefur verið boðuð til fundar í húsakynnum ríkissáttasemjara kl. 13:15 í dag, en formaður félagsins situr í þeirri nefnd. Á fundinum verður farið yfir stöðuna og væntanlega tekin ákvörðun um hver næstu skerf verða í þessum samningaviðræðum við Samtök atvinnulífsins.

Haft hefur verið eftir forsvarsmönnum SA í fréttum að þeir vilji að gildistími samningsins verði mun lengri en hugmyndir SGS hafa falið í sér og hafa forsvarsmenn SA talað um samning í allt að fjögur ár.  Formanni VLFA hugnast ekki svo langur samningur, einfaldlega vegna þeirrar miklu óvissu sem ríkir í efnahagsmálum þessa stundina og einnig hefur það verið reynslan að aðrir launahópar sem semja á eftir almennu verkafólki hafa verið að gera mun hagstæðari samninga.

Það gengur hreinlega ekki upp lengur að þess sé enn og aftur krafist af íslensku verkafólki að það stilli kröfum sínum í hóf til að hægt sé að viðhalda stöðuleika hér á landi.  Þeir aðilar sem hafa verið kalla eftir því að gerðir verði hófstilltir kjarasamningar hjá almennu verkafólki hafa margir hverjir verið að taka til sín gríðarlegar launahækkanir á síðustu misserum og nægir að nefna æðstu stjórnendur ríkisins í því sambandi.  Ekki má heldur gleyma þeim launahækkunum sem seðlabankastjórinn Davíð Oddsson hefur fengið á síðustu mánuðum en mánaðarlaun hans hafa hækkað um 200.000 þúsund á undanförnum mánuðum.