Skúli Skúlason starfsmannastjóri Norðuráls fundaði með formanni félagsins á skrifstofu félagsins í dag.  Þessi fundur var nokkuð góður en formaður fór yfir hin ýmsu mál er lúta að réttindum starfsmanna Norðuráls.  Það eru alltaf einhver mál er varða hagsmuni okkar félagsmanna sem þurfa skoðunar við á jafnstórum vinnustað og Norðurál er. 

Í dag eru um 420 starfsmenn hjá Norðuráli og eru langflestir þeirra félagsmenn í Verkalýðsfélagi Akraness eða nánar tiltekið um 320.  Norðurál er einnig langstærsti vinnuveitandinn á félagsvæði Verkalýðsfélags Akraness og ljóst að með tilkomu Norðuráls hefur færst töluvert líf í alla uppbyggingu hér á Akranesi.