Verkalýðsfélag Akraness hefur ákveðið að kjör fulltrúa á ársfund ASÍ fari fram að viðhafðri allherjar atkvæðagreiðslu. Verkalýðsfélagið á rétt á fjórum fulltrúum á ársfundinn sem haldinn verður í Reykjavík dagana 26. - 27. október 2006. Listum þar sem tilgreind eru nöfn aðal- og varafulltrúa sem skulu einnig vera fjórir skal skila á Skrifstofu félagsins að Sunnubraut 13, eigi síðar en kl. 16:00 miðvikudaginn 4. október 2006. Hverjum framboðslista skal fylgja meðmæli 50 fullgildra félagsmanna.