Fyrirhugðum formannafundi hjá Starfsgreinasambandinu sem átti að vera á morgun hefur verið frestað til miðvikudags.  Eitt mál átti að vera til umræðu en það lítur að kjaramálum sem tengjast endurskoðun kjarasamninga.  Ákveðið var að fresta fundinum vegna þess að ekki liggur ennþá fyrir hver aðkoma ríkisstjórnarinnar verður í fyrirhuguðu samkomulaginu við Samtök atvinnulífsins.  Góð aðkoma ríkisstjórnarinnar er forsenda fyrir því að samkomulag náist við SA og eðlilega vilja aðildarfélög SGS fá að sjá hvert innlegg ríkisstjórnarinnar verður í áðurnefndu samkomulagi.