Í morgun tilkynntu forsvarsmenn Norðuráls hér á landi að eigendur Norðuráls hefðu ákveðið að greiða starfsmönnum bónus vegna uppsetningar á nýjum bræðslukerjum í álverinu.  Bónusinn verður greiddur starfsmönnum þegar uppstartinu verður lokið, en ekki liggur fyrir á þessari stundu hversu há bónusgreiðslan mun verða.  Árið 2001, þegar uppsetning fór fram á nýjum bræðslukerjum síðast, fékk starfsmaður með þriggja ára starfsreynslu 58.000 þúsund króna greiðslu vegna uppstartsins. 

Verkalýðsfélag Akraness fagnar þessari ákvörðun eigenda Norðuráls og vonast til að greiðslan fyrir uppstartið núna verði ekki lakari en hún var árið 2001.