Viðræðunefnd Samiðnar hefur setið á fundum með Samtökum atvinnulífsins undanfarna tvo daga. Rætt hefur verið um nýja kauptaxta en ekkert samkomulag liggur fyrir og seinni partinn í gær var ákveðið að gera hlé á viðræðum og skoða í dag hvort forsendur væru til að halda áfram. Ákveðið hefur verið að kalla samninganefnd Samiðnar saman kl. 15 í dag til að fara yfir stöðuna og meta framhaldið. Gert er ráð fyrir að nefndin verði tiltæk eitthvað fram í helgina. Það er sameiginlegur áhugi samningsaðila að gera nú úrslitatilraun en töluvert skilur enn á milli.