Núna í hádeginu lauk kosningu um nýgerðan kjarasamning stéttarfélaganna við Elkem Ísland og var samningurinn felldur með 58,12% greiddra atkvæða.

Á kjörskrá voru 151 og greiddu 77,48% atkvæði.

Atkvæðin skiptust með eftirfarandi hætti:

Nei sögðu 68 eða 58,12%

Já sögðu 45 eða 38,46%

Þeir sem ekki tóku afstöðu voru 4 eða 3,42%

Formaður félagsins mun boða félagsmenn Verkalýðsfélags Akraness sem heyra undir umræddan kjarasamning til fundar í næstu viku þar sem ákvörðun verður tekin um næstu skref. Mikilvægt er að greina í hverju óánægjan er fólgin og athuga hvort möguleiki verði á að leysa þau atriði sem starfsmenn telja að útaf standi án átaka. Félagið mun auglýsa dagsetningu þegar hún liggur fyrir.