Nú er lokið kosningu um ótímabundið verkfall félagsmanna Verkalýðsfélags Akraness sem starfa á fiskiskipum samkvæmt kjarasamningi Sjómannasambands Íslands og Samtaka fyrirtækja í sjávarútvegi (SFS).

Kosningaþátttaka var nokkuð góð, á kjörskrá voru 72 sjómenn og greiddu 49 atkvæði, eða 68%. Verkfall var samþykkt með yfirgnæfandi meirihluta eða 96% greiddra atkvæða og er því ljóst að vinnustöðvun mun hefjast kl. 23:00 þann 10. nóvember hafi ekki náðst kjarasamningar milli aðila fyrir þann tíma.