Kjaraviðræðum vegna þriggja sérkjarasamninga hefur nú verið slitið, en í morgun fól samninganefnd Elkem Ísland formanni Verkalýðsfélags Akraness að vísa kjaradeilu starfsmanna til ríkissáttasemjara. Hið sama gerði samninganefnd Klafa ehf, sem sér um upp- og útskipanir á Grundartangasvæðinu, svo og samninganefnd fiskimjölsverksmiðju HB Granda. Formaður VLFA á von á því að ríkissáttasemjari boði til fundar fljótlega eftir helgi.

Verkalýðsfélag Akraness mun boða til opins fundar með starfsmönnum Elkem og Klafa í næstu viku til að ræða þá stöðu sem upp er komin og kanna til hvaða aðgerða starfsmenn vilja grípa. Nánari tímasetning fundarins verður auglýst síðar.