Það er óhætt að segja að nýtt orlofshús félagsins í Svínadal hafi vakið góð viðbrögð hjá félagsmönnum. Síðastliðinn föstudag var opnað fyrir bókanir í bústaðinn og er skemmst frá því að segja að hann er nú bókaður út ágúst og þegar er byrjað að bóka helgar í haust. Þessi viðbrögð sýna það enn og aftur hversu mikil eftirspurn er hjá félagsmönnum eftir orlofshúsum og að þörf var á að bæta við fleiri valkostum. Fyrsta vikan í útleigu í nýja bústaðnum hefst næstkomandi föstudag, 6. júlí.

Bústaðurinn í Efstaási er sjötti bústaður félagsins en hinir bústaðirnir eru í Húsafelli, Hraunborgum, Ölfusborgum, Kjós og í Bláskógum í Svínadal. Einnig á félagið þrjár íbúðir á Akureyri. Myndir af nýja bústaðnum má sjá hér.