Þessa dagana sitja 8 trúnaðarmenn trúnaðarmannanámskeið í fundarsal félagsins að Sunnubraut 13, en samkvæmt kjarasamningum er trúnaðarmönnum heimilt að sækja slík námskeið í eina viku á ári án skerðingar á dagvinnulaunum. 

Markmið slíkra námskeiða er að styrkja og efla trúnaðarmenn í sínum störfum. Það er Félagsmálaskóli Alþýðu sem sér um skipulagningu og kennslu á námskeiðinu. Meðal annars er farið yfir hlutverk stéttarfélaga, hlutverk trúnaðarmannsins, farið yfir lög og kjarasamninga og íslenskan vinnurétt.