Um síðustu helgi var brotist inn í bústað félagsins í Hraunborgum og þaðan stolið sjónvarpi. Skrifstofu félagsins er einnig kunnugt um að óprúttnir aðilar hafi farið inn í annan bústað á svæðinu í sömu erindagjörðum.

Það er sorglegt til þess að vita að til sé fólk sem stundar slík skemmdarverk í friðsælum sumarhúsabyggðum, og fær það af sér að vinna svona tjón á eigum grandalauss fólks. Málið hefur að sjálfsögðu verið kært til lögreglunnar á Selfossi sem fer með rannsókn þess.