Í gær streymdu fulltrúar allra starfsstétta á skrifstofu Verkalýðsfélags Akraness og létu í sér heyra. Um var að ræða flugfreyjur, viðskiptajöfra, pappakassa, prinsessur, uppvakninga, bardagalistamenn, fótboltahetjur og ótal fleiri furðuverur sem allar fengu úrlausn sinna mála hjá starfsfólki skrifstofu.

Að sjálfsögðu var þarna um að ræða uppáklædd börn sem sungu og tóku jafnvel dansspor fyrir starfsfólk skrifstofu í tilefni öskudagsins. Þeim var auðvitað vel launað fyrir vikið og fengu sætindi í pokann sinn.

Hægt er að sjá nokkrar myndir frá Öskudegi hér.