Nú klukkan 10 mun formaður félagsins eiga fund í húsakynnum Ríkissáttasemjara með launanefnd sveitarfélaga, en nú liggja fyrir drög að nýjum kjarasamningi fyrir starfsmenn Akraneskaupstaðar sem eru félagsmenn í Verkalýðsfélagi Akraness. Þessi drög veita starfsmönnum Akraneskaupstaðar álíka launahækkanir og um var samið á hinum almenna vinnumarkaði 5. maí sl. og reiknar formaður fastlega með því að skrifað verði undir nýjan kjarasamning í dag.