Formaður félagsins fór í vinnustaðaheimsókn til Íslenska járnblendifélagsins í gærkveldi.  Formaðurinn fór til að sjá starfsmenn að störfum og við hvaða aðstæður þeir vinna við.  Heimsóknin var afar áhugaverð og menn ræddu hin ýmsu mál, t.d. komandi kjarasamninga en kjarasamningur Íslenska járnblendifélagsins verður laus 30. nóvember nk.  Það er og verður stefna stjórnar félagsins að vera í góðu sambandi við sína félagsmenn og er þessi heimsókn einn liður í þeirri stefnu.