Hagfræðingur ASÍ, Ólafur Darri, mun ásamt formanni félagsins funda með aðaltrúnaðarmönnum Norðuráls og Íslenska járnblendifélagsins  föstudaginn 27 ágúst n.k.  og fara yfir launasamanburð sem hagfræðingur ASÍ hefur verið að vinna að í samvinnu við Verkalýðsfélag Akraness. 

Það liggur orðið nokkuð ljóst fyrir að um töluverðan launamun er að ræða á milli þessara þriggja verksmiðja þ.e Norðuráls, Ísals og Íslenska járnblendifélagsins.  Niðurstöður úr þessum samanburði verða kynntar trúnaðarmönnum Norðuráls og formönnum þeirra félaga sem eiga aðild að kjarasamningum við Norðurál á sameiginlegum fundi fljótlega eftir helgi.