Forsvarsmenn Sjúkrahús Akraness boðuðu samráðsnefndina til fundar í morgun til að tilkynna að fyrirhugað væri að breyta vinnufyrirkomulagi í ræstingu og hjá starfsmönnum sem starfa í býtibúri.  Fram kom í máli forsvarmanna SHA að reynt yrði að gera þessar breytingar í eins góðu samkomulagi við starfsmenn og VLFA eins og kostur væri. 

Formaður félagsins fundaði eftir hádegi með þeim starfsmönnum sem starfa í býtibúri og var farið yfir stöðu mála og reynt að átta sig á hver áhrifin á þessum breytinum á vinnufyrirkomulagi hefði á launakjör starfsmanna.  Óskuðu starfsmenn og Verkalýðsfélagið eftir því við forsvarsmenn SHA að fá meiri tíma til að kynna sér þessar breytingar því það er mat félagsins að þessar breytingar verði að vera gerðar í eins góðu samráði og sátt við starfsmenn og hægt er.