Styrkir í sjúkrasjóði Verkalýðsfélags Akraness eru tengdir heilsu og vellíðan, vegna kaupa á gleraugum og heyrnartækjum sem og vegna fæðingar barns. Dánarbætur og sjúkradagpeningar falla einnig undir styrki úr sjúkrasjóði.

Hér má sjá yfirlit yfir þá styrki sem hægt er að sækja um.

Réttur skapast þegar félagsmaður hefur greitt í félagið í a.m.k.sex mánuði og er greiðandi þegar sótt er um.

Landsmennt veitir styrki, til félagsmanna Verkalýðsfélags Akraness, m.a. vegna náms og endurmenntunar sem og frístundanámskeiða og ökunáms. Hér má sjá nánari upplýsingar um hvað er styrkhæft.

Þú þarft að fylla út umsóknareyðublað sem þú finnur hér til að sækja um styrk í sjúkrasjóð félagsins. Hægt er að skila umsókn á skrifstofu eða senda hana á netfangið vlfa@vlfa.is 

Með umsókn þarf að fylgja reikningur með nafni og kennitölu sem og staðfest greiðslukvittun. 

Til að umsókn sé afgreidd þarf að koma greinilega fram hvað greitt var fyrir og að greiðsla hafi sannanlega farið fram.

Á síðu Landsmenntar má finna umsóknareyðublað vegna umsóknar um styrk í Landsmennt, Sveitamennt, Ríkismennt og Sjómennt. Það eru styrkir m.a. vegna náms og námskeiða, starfstengdum sem og tómstundanáms. Félagið tekur á móti umsóknum og afgreiðir styrki síðasta virka dag mánaðarins.

Þegar sótt er um sjúkradagpeningagreiðslur vegna veikinda þarf að skila umsókn, læknisvottorði og staðfestingu atvinnurekanda á að veikindarétti sé lokið. Nánari upplýsingar veita starfsmenn skrifstofu.

Réttindi til styrkja eru reiknuð út frá greiddum iðgjöldum.

Umsækjandi þarf að hafa greitt samfellt í a.m.k. sex mánuð. Full réttindi miðast við greidd iðgjöld af lægsta taxta skv. kjarasamningi SGS og SA síðastliðna 12 mánuði.

Þeir sem hafa greitt minna eiga rétt á styrk í hlutfalli við greidd iðgjöld. Nánari upplýsingar má fá hjá starfsmönnum félagsins.

Styrkir eru allajafna greiddir síðasta virka dag mánaðar, ef öll gögn hafa borist.

Sérstök sumarúthlutun orlofshúsa fer fram í mars/apríl ár hvert. 

Auglýst er sérstaklega hvenær opnar fyrir umsóknir og hvenær úthlutun fer fram.

Orlofshúsin eru leigð í viku í senn, miðvikudag til miðvikudags.

Tölvukerfi félagsins úthlutar orlofshúsi til þess félagsmanns sem hefur flesta punkta.

Umsóknarfrestur vegna sumars 2023 er frá 1. - 21 apríl.

Úthlutun fer fram 24. apríl.

Lesa má nánar um orlofhús hér

Auk leiguverðs eru dregnir af félagsmanni 24 eða 36 punktar vegna hverrar viku yfir sumartímann.

Félagsmaður vinnur sér inn einn punkt fyrir hvern mánuð sem hann greiðir iðgjöld.

Punktastöðu má sjá á félagavefnum

Orlofspunktar eru dregnir frá þegar orlofshús er leigt yfir sumartímann, við kaup á gjafabréfi hjá Íslandshóteli, Play og Icelandair og við kaup á veiðikorti og útilegukorti.

Ef félagsmaður hefur verið að greiða í annað félag innan ASÍ/SGS getur hann óskað eftir að viðkomandi félag sendi félagasögu til okkar. 

Horft er til hennar þegar réttindi til styrkja eru metin. 

Orlofspunktar byrja að safnast þegar byrjað er að greiða til félagsins