Formaður Verkalýðsfélags Akraness var boðaður á fund félagsmálanefndar Alþingis í morgun. Vildu nefndarþingmenn fá álit og afstöðu stéttarfélagsins til nýs frumvarps um starfsmannaleigur. Formaður gerði félagsmálanefnd grein fyrir þeim málum sem félagið hefur verið að vinna að undanförnu og lítur að brotum á erlendu vinnuafli. Einnig gerði formaður félagsins félagsmálanefnd Alþingis grein fyrir þeim atriðum í frumvarpinu sem Verkalýðsfélag Akraness er ósátt við. Það eru aðallega þrjú atriði sem félagið myndi vilja sjá breytingu á. Mun Verkalýðsfélag Akraness skila inn til félagsmálanefndar fyrir laugardag tillögum um breytingar á lögum um starfsmannaleigur. Þau atriði í frumvarpinu sem félagið vill sjá breytingar á eru eftirfarandi:
Á forsíðu fréttablaðsins á sunnudaginn sl. var vitnað í eiganda fyrirtækisins sem sætir rannsókn lögreglu vegna gruns um að vera með ólöglegt vinnuafl að störfum og einnig gruns um að greiða laun langt undir gildandi kjarasamningum. Verklýðsfélag Akraness lýsir furðu sinni á ummælum eiganda fyrirtækisins í blaðinu á sunnudaginn sl. En þar segir Hjörleifur Jónsson að afskipti yfirvalda og Verkalýðsfélags Akraness vegna þeirra erlendu starfsmanna sem hjá honum starfa sé með öllu óviðunandi. Einnig segir Hjörleifur að ekkert muni koma útúr þessari rannsókn því ekkert sé óeðlilegt við kjör sinna starfsmanna. Verkalýðsfélagi Akraness er vart hlátur í huga yfir þessum ummælum, en vill benda á að stéttarfélagið hefur gögn og upplýsingar undir höndum sem staðfestir að fyrirtæki Hjörleifs Jónssonar er ekki að greiða þau laun sem ráðningarsamningar Litháana kveða á um. Gögn sýna tb. að einum Litháanum sem starfar hjá Hjörleifi Jónssyni vantar allt að 300 þúsund krónur í laun fyrir einn mánuð miðað við vinnustundafjölda í umræddum mánuði. Ef Hjörleifur Jónsson telur að hann hafi ekkert að fela í ljósi þessara staðreynda, að það vanti tb. uppá laun eins starfsmannsins sem nemur tæpum 300 þúsund krónum á einum mánuði, þá hvað. Málið er enn í rannsókn hjá lögreglunni á Akranesi og hefur lögreglan fengið gögn frá Verkalýðsfélagi Akraness sem sýnir og staðfestir að töluvert vantar uppá að Litháunum sé greidd laun eftir þeim ráðningarsamningum sem atvinnuleyfi mannanna voru veitt út á á sínum tíma. Í ljósi alls þessa eru ummæli Hjörleifs Jónssonar í fréttablaðinu á sunndaginn afar undarleg svo ekki sé fastar að orði kveðið. Þeir atvinnurekendur sem ekki fara eftir þeim leikreglum sem gilda á íslenskum vinnumarkaði eiga að hafa vit á því að skammast sín. Verkalýðsfélag Akraness mun gera ítarlega grein fyrir þessu máli hér heimasíðunni á fimmtudaginn nk.
Formaður Verkalýðfélags Akraness fundaði með erlendu starfsmönnunum sem starfa hjá fyrirtækinu sem sætir rannsókn lögreglu vegna gruns um brot á atvinnuréttindum útlendinga. Fundurinn var á fimmtudaginn sl, túlkur kom formanni félagsins til aðstoðar en erlendu starfsmennirnir koma allir frá Litháen. Verklýðsfélag Akraness óskaði eftir því við lögregluna á Akranesi að hún rannsakaði hvort allir starfsmennirnir væru með tilskilin leyfi til að starfa hér á landi, en félagið hafði vísbendingar um að nokkrir væru ekki með atvinnuleyfi. Einnig hafði félagið mjög svo sterkar grunsemdir um að ekki væri verið að greiða starfsmönnum laun samkvæmt þeim ráðningarsamningum sem lagðir voru fram með umsóknum um atvinnuleyfi fyrir starfsmennina. Fundurinn með erlendu starfsmönnum var afar gagnlegur og er félagið að vinna úrúr þeim upplýsingum sem fram komu á fundinum. Fram kom í máli starfsmannanna að þeir hafa tb. ekki séð launaseðil frá því þeir hófu störf hér á landi, en sumir erlendu starfsmannanna hafa starfað hér í þó nokkur ár. Einnig kom fram hjá hjá Litháunum að mjög mikil vinna hafi verið síðustu þrjá til fjóra mánuði og hefur komið fyrir að nokkrir starfsmenn hafi unnið yfir 300 vinnustundir á mánuði. Verkalýðsfélag Akraness telur að miðað við þau gögn og þær upplýsingar sem liggja fyrir sýni klárlega að töluvert vanti upp á að Litháunum sé greidd laun eins og ráðningarsamningur mannanna kveði á um. Jafnvel sem nemur tvö til þrjú hundruð þúsund krónur á einum mánuði hjá einstaka starfsmanni. Eitt er víst að Verkalýðsfélag Akraness mun fylgja þessu máli eftir af fullum þunga. Væntanlega munu mál Litháana skýrast endanlega í næstu viku.
Stjórn Verklaýðsfélags Akraness hefur sent frá sér eftirfarandi ályktun vegna fyrirhugaðar skerðingar á löggæslu á Akranesi.
Ályktun
Akranesi 23. nóvember 2005
Stjórn Verkalýðsfélags Akraness mótmælir harðlega fyrirhugaðri skerðingu á starfsemi lögreglunnar á Akranesi. Telur stjórnin varhugavert með hliðsjón af stærð bæjarfélagsins að flytja rannsókn mála í annað umdæmi.
Samskipti félagsins við lögregluyfirvöld í Borgarnesi vegna atvika á starfssvæði félagsins á Grundartanga styrkja þessa skoðun.
Telur stjórn félagsins mun eðlilegra að starfsemi lögreglunnar á Akranesi verði efld og umdæmi hennar stækkað og látið m.a. ná til Grundartanga, en mikill meiri hluti þeirra sem þar starfa búa á Akranesi.
Það er mat stjórnar félagsins að tillögur um skerðingu á löggæslu á Akranesi sé mjög svo óeðlilegt. Sé tekið mið af því að í næsta nágreni við umdæmi lögreglunar á Akranesi er mesta umferðarsvæði landsins bæði á sjó og landi. Einnig hefur á síðustu árum orðið gríðarleg aukin á allri starfsemi á stóriðjusvæðinu á Grundartanga.
Stjórn Verkalýðsfélag Akraness skorar á dómsmálaráðherra sem og þingmenn Norðurvesturkjördæmis að tryggja að fyrirhuguð skerðing á löggæslumálum Akurnesinga verði ekki að veruleika.
Einnig skorar stjórn Verkalýðsfélag Akraness á dómsmálaráðherra og þingmenn Norðurvesturkjördæmis að beita sér fyrir því að lögreglan á Akranesi verði efld til muna og umdæmi hennar stækkað.
F.h stjórnar, Verkalýðsfélags Akraness
______________________________________
Vilhjálmur Birgisson, formaður
Rannsókninni á fyrirtækinu hér á Akranesi sem er með erlenda starfsmenn frá Litháen miðar vel áfram. Verkalýðsfélag Akraness hafði mjög svo rökstuddan grun um að hluti starfsmannanna væru ekki með atvinnuleyfi til að starfa hér á landi. Í rannsókninni í gær og í dag var sá grunur staðfestur. Það eru að minnsta kosti tveir Litháana sem ekki voru með tilskilin leyfi til að starfa hér á landi . Einnig hefur Verkalýðsfélag Akraness sterkar vísbendingar um að erlendu starfsmönnunum séu ekki greidd þau laun sem kveðið er á um í ráðningarsamningum sem atvinnuleyfin voru veitt út á, og vantar þar verulega upp á. Er þessi þáttur málsins nú í rannsókn hjá lögreglunni og hefur lögreglan verið að afla sér gagna eins og launaseðla og tímaskriftir starfsmannanna. Einnig hafa erlendu starfsmennirnir sem ekki voru með atvinnuleyfi verið teknir í skýrslutöku og kom túlkur frá Reykjavík til að aðstoða lögregluna við þá vinnu. Verkalýðsfélag Akraness mun greina mjög ítarlega frá niðurstöðu rannsóknarinnar um leið og henni lýkur. Það er stefna stjórnar Verkalýðsfélags Akraness að taka mál af þessum toga af fullri hörku og það mun félagið gera. Því allur íslenskur vinnumarkaður er í húfi. Enn og aftur vill Verkalýðsfélag Akraness hrósa sýslumanninum á Akranesi sem og lögreglunni fyrir að taka jafn vel á málinu og raunin er. Það mættu fleiri sýslumenn þessa lands taka þessi vinnubrögð sýslumannsins á Akranesi sér til fyrirmyndar. Vegna þess að stéttarfélögin verða að fá aðstoð frá lögreglunni við að koma í veg fyrir að einstaka atvinnurekendur komist upp með svíkja og pretta erlent vinnuafl. Þessi svik og undirboð á erlendu vinnuafli grafa undan þeim kjörum sem íslensk verkafólk hefur áunnið sér inn á liðnum áratugum og einnig því velferðarkerfi sem við höfum komið okkur upp. Þeim atvinnurekendum sem ógna íslenskum vinnumarkaði með þessum hætti á að draga fyrir dómstóla og láta þá klárlega svara til saka.
Verkalýðsfélag Akraness óskaði eftir því við lögregluna á Akranesi að hefja rannsókn á fyrirtæki sem hefur erlenda starfsmenn í sinni þjónustu. Erlendu starfsmennirnir sem umræðir koma frá Litháen og hafa starfað hér um all langt skeið. Stéttarfélagið hefur rökstuddan grun um að hluti starfsmannanna séu að starfa hér án atvinnuleyfa og einnig hefur félagið grundsemdir um að starfsmönnunum sé greidd laun langt undir þeim ráðningarsamningum sem atvinnuleyfin voru veitt út á. Víðtæk rannsókn lögreglunar á Akranesi hófst í morgun og mun halda áfram strax í fyrramálið. Verkalýðsfélag Akraness getur ekki tjáð sig ítarlega um málið að svo stöddu þar sem rannsóknin er á frumstigi, en margt bendir til að málefni þessa fyrirtækis séu langt í frá að vera í lagi. Verkalýðsfélag Akraness getur ekki annað en hrósað lögreglunni á Akranesi fyrir skjót viðbrögð í þessu máli.
Fagsmíði ehf. hefur sótt um atvinnuleyfi fyrir tvo pólverja sem eru í starfi hjá fyrirtækinu, en þeir komu hingað í gegnum starfsmannaleiguna 2b. Þessi leið sem Fagsmíði fer nú er sú sama og Ístak gerði fyrir um tveimur vikum gagnvart þeim pólverjum sem starfa hjá fyrirtækinu. Nú hefur öllum þeim pólverjum sem hingað komu til starfa á vegum starfsmannleigunnar 2b og starfa á félagssvæði Verkalýðsfélags Akraness verið komið í beint ráðningarsamband við þau fyrirtæki sem pólverjarnir starfa hjá. Verkalýðsfélag Akraness fagnar að tekist hafi að leysa málefni pólsku starfsmannanna með þessum hætti. Verkalýðsfélag Akraness er nú með til skoðunar enn eitt fyrirtækið sem er með erlenda starfsmenn að störfum en margt bendir til að ekki sé allt með felldu hvað varðar atvinnuleyfi og launakjör þeirra starfsmanna.
Í dag komu saman formenn þeirra aðildarfélaga sem eiga aðild að Starfsgreinasambandi Íslands. Tilefni fundarins var að fara yfir það samkomulag sem forsendunefndin gerði við Samtök atvinnulífsins í fyrradag. Formaður Verkalýðsfélags Akraness gerði grein fyrir afstöðu félagsins vegna þessa samkomulags á fundinum í dag. Afstaða félagsins er skýr hvað varðar aðkomu ríkisins að þessu samkomulagi,sem var til fyrirmyndar. Það sem Verkalýðsfélag Akraness gagnrýnir hvað harðast í þessu samkomulagi er að ekkert tillit var tekið til þess verkafólks sem tekur laun eftir kjarasamningi Starfsgreinasambandsins. Kostnaðaráhrif kjarasamnings Starfsgreinasambandsins var einungis 15,8% á samningstímanum. Forsendunefndin gerði enga sértæka leiðréttingu fyrir almennt verkafólk þó svo að það liggi kristal skýrt fyrir að allir aðrir hópar sömdu um langtum meira en 15,8%. Formaður Verkalýðsfélags Akraness sagði á fundinum í dag að Starfsgreinasamband Íslands skuldaði þeim félagsmönnum sínum sem vinna eftir kjarasamningi Starfsgreinasambandsins skýringar.
Skýringar á því hvers vegna Starfsgreinasambandið gat samið við ríkið um 25% hækkun og við Sveitarfélögin uppá 22% á samningstímanum en einungis uppá 15,8% fyrir almenna markaðinn. En þarna er mismunur á milli kjarasamninga sem nemur á milli 6% og uppí 9%. Vissulega var frábært að hægt var að ganga frá samningum við ríkið og Sveitarfélögin á þessum nótum, en af hverju ekki fyrir verkafólk á hinum almenna vinnumarkaði ? Síðan voru það allar aðrar starfsstéttir í þessu landi sem sömdu um launahækkanir uppá 19% og jafnvel uppí 30% á samningstímanum. það er mat Verkalýðsfélags Akraness að gerð hafi verið mistök 7. mars 2004 þegar kjarasamningur á hinum almenna markaði var gerður og það er einnig mat félagsins að Starfsgreinasambandið eigi að viðurkenna það og læra af þeim mistökum. Verkalýðsfélag Akraness skrifaði ekki undir kjarasamning 7. mars 2004 vegna þess hversu rýr hann var. Eins og áður sagði þá eigum við að læra af þessum mistökum. Það er með öllu óþolandi að ganga frá afar rýrum kjarasamningi fyrstir allra starfstétta og horfa síðan á allar aðrar starfsstéttir fá langtum meira en almennt verkafólk. Látum svona aldrei gerast aftur !
Forsendunefnd ASÍ og SA komust að samkomulagi í dag sem þýðir að ekki mun koma til uppsagnar á kjarasamningum um áramót. Enn Verkalýðsfélag Akraness spyr sig hvaða leiðréttingu fengu þeir verkamenn sem taka laun eftir kjarasamningi á hinum almenn vinnumarkaði sem undirritaður var 7. mars 2004. ? Jú eingreiðslu uppá 26.000 þúsund krónur og 0,65% launahækkun sem tekur gildi árið 2007, það er jú allt og sumt. Hverjar voru samningsforsendur kjarasamningsins frá 7. mars 2004
1. Að verðlag þróist í samræmi við verðbólgumarkmið Seðlabanka Íslands.
2. Að sú launastefna og þær kostnaðarhækkanir sem í samningum felast verði almennt stefnumarkandi fyrir aðra samningagerð á vinnumarkaðnum.
Kostnaðaráhrif kjarasamningsins sem gerður var fyrir almenna markaðinn 7. mars 2004 var 15,8% á samningstímanum. Allir aðrir hópar sem komu á eftir almenna markaðnum fengu mun meira. Tökum dæmi kennarar sömdu um 30%. Sveitafélagasamningurinn gaf um 22%, kjarasamningurinn við fjármálaráðherra fh ríkisjóðs gaf einnig um 25%. Allir stóriðjusamningarnir gáfu yfir 20% á samningstímanum Norðurál 24,5% Íslenska járnblendið 21% Ísal 21%. Með öðrum orðum þá sömdu allar aðrar starfsstéttir um mikið meira heldur enn 15.8% Engar fréttar hafa borist af því að forsendunefndin hafi tekið þennan lið samningsforsenda til endurskoðunar. Því verður ekki trúað að nefndin hafi ekki gert mat á þessum þætti samningsforsendana með það að markmiði að leiðrétta þann launamun sem orðið hefur. Verkafólk sem tekur sín laun eftir kjarasamningi á hinum almenna markaði hefur klárlega setið eftir.
Verkalýðsfélag Akraness taldi sig ekki fært að undirrita kjarasamninginn sem Starfsgreinasamband Íslands gerði við Samtök atvinnulífsins á sínum tíma vegna þess hversu rýr hann var og nú virðist ljóst að síðara endurskoðunarákvæðið er ekki skila leiðréttingu á milli samninga.
Afar fróðlegur og gagnlegur félagsfundur um öryggis og heilbrigðismál í stóriðjum var haldinn í gær í sal félagsins að Kirkjubraut 40. Júlíus K Björnsson sálfræðingur fjallaði um vaktavinnu, svefn og heilsu og áhrif óreglulegs vinnutíma á heilbrigði og lífsgæði. Erindið frá Júlíusi var afar fróðlegt og gagnlegt og vöknuðu fjölmargar spurningar hjá fundarmönnum sem sálfræðingurinn svarði eftir bestu getu. Hallveig Skúladóttir hjúkrunarfræðingur fór yfir gögn sem Reynir Þorsteinsson læknir hafði tekið saman um heilsufar í stóriðjum. Í þessari samtekt frá Reyni kom t.b fram að meðalaldur í Íslenska járnblendinu er 44 ár og meðalstarfsalur 14 ár sem er mjög hátt. Hjá Norðuráli er meðalaldur 39 ár og meðalstarfsaldur 4,5 ár en Norðurál byrjaði með sína starfsemi 1998. Einnig kom fram í gögnum frá Reyni Þorsteinssyni að reykingar í Íslenska járnblendinu hefðu minkað um 20% frá árinu 1990 en þá reyktu um helmingur starfmanna. Árið 2003 var sú tala komin niðrí 30% og hefur lækkað enn meira síðan þá. Hjá Norðuráli hefur reykingarfólki fækkað alverulega og nú reykja aðeins 20% starfsmanna samkvæmt gögnum Reynis Þorsteinssonar. Það kom fram í máli Hallveigar að læknar á heilsugæslustöðinni á Akranesi hafa stýrt starfsmannaheilsuvernd í Íj frá árinu 1981 og hjá Norðuráli frá árinu 2000.
Stóriðjudeild Verkalýðsfélags Akraness heldur fund á mánudaginn kemur um öryggismál og heilbrigðismál í stóriðjum. Einnig kemur Júlíus K. Björnsson sálfræðingur og fjallar um vaktavinnu,svefn og heilsu og áhrif óreglulegs vinnutíma á heilbrigði og lífgæði. Reynir Þorsteinsson yfirlæknir hefur tekið saman punkta um heilsufar starfsmanna sem starfa í stóriðjum á Vesturlandi, og mun Hallveig Skúladóttir hjúkrunarfræðingur fara yfir þessa samantekt frá Reyni Þorsteinssyni lækni. Fundurinn hefst kl. 20:00 og er haldinn að Kirkjubraut 40 þriðju hæð. Dagskrá fundarins er eftirfarandi:
Verkalýðsfélag Akraness
Stóriðjudeild
FUNDUR
Stóriðjudeild Verkalýðsfélags Akraness heldur opinn fund mánudaginn 14. nóvember 2005 kl. 20:00 að Kirkjubraut 40, 3. hæð.
Dagskrá fundarins:
1. Öryggis- og heilbrigðismál í stóriðjunum. Öryggisfulltrúar frá Norðuráli, Íslenska járnblendifélaginu og Sementsverksmiðjunni gera grein fyrir öryggismálum í verksmiðjunum.
2. Fulltrúi frá Heilsugæslustöðinni á Akranesi fjallar um heilbrigðismál í verksmiðjunum.
3. Júlíus K. Björnsson sálfræðingur fjallar um vaktavinnu, svefn og heilsu – áhrif óreglulegs vinnutíma á heilbrigði og lífsgæði.
4. Önnur mál.
Félagsmenn eru eindregið hvattir til að mæta – fundurinn er einnig opinn öllum starfsmönnum stóriðjanna.
Formaður félagsins og trúnaðarmaður starfsmanna Klafa munu funda með forsvarsmönnum fyrirtækisins á morgun. Tilefni fundarins er að fara yfir nýja bónuskerfið sem tekið var upp samhliða nýjum kjarasamningi sem undirritaður var í sumar. Það eru atriði í bónusnum sem stéttarfélagið og trúnaðarmaður Klafa vilja fara yfir með forsvarsvarsmönnum fyrirtækisins. Einnig vill stéttarfélagið ræða um síðustu úttekt á þrifabónusnum. En starfsmenn eru ekki á eitt sáttir við nokkur atriði sem leiddu til lækkunar á þrifabónusnum í síðustu úttekt, og fljótt á litið getur Verkalýðsfélag Akraness tekið undir þessa óánægju starfsmanna.
Ístak hf. hefur fengið atvinnuleyfi fyrir pólverjana 14 sem starfað hafa án atvinnuleyfa á Grundartanga á vegum starfsmannaleigunnar 2B. Vinnumálastofnun samþykkti atvinnuleyfin frá sér dag. Því er það orðið ljóst að pólverjarnir 14 eru ekki lengur að starfa hér á landi á vegum starfsmannaleigunnar 2b. Ístak og Verkalýðsfélag Akraness hafa í sameiningu unnið að því finna farsæla lausn á málefnum pólsku starfsmannanna og hefur það nú loksins tekist. Þessi leið sem nú er farinn er sú sama og þegar Verkalýðsfélag Akraness leysti mál pólverjanna 5 sem starfa hjá Spútnik bátum á Akranesi. Verkalýðsfélag Akraness fagnar innilega því að farsæl lausn hefur fundist á þessari deilu og ljóst að sú mikla óvissa sem pólsku starfsmennirnir hafa búið við að undanförnu hefur verið eytt með þessu samkomulagi. Einnig er það mat félagsins að hagsmunum og starfsöryggi pólsku starfsmannanna séu mun betur tryggðir nú eftir að þeir urðu launþegar hjá Ístaki. Eins og marg oft hefur komið fram kærði Verkalýðsfélag Akraness og Félag iðn og tæknigreina meint lögbrot starfsmannaleigunnar 2B til Sýslumannsins í Borgarnesi, nú hafa félögin hins vegar ákveðið að falla frá kærunni þar sem farsæl lausn er komin í málinu.
Eins og fram hefur komið á heimasíðu félagsins þá óskuðu forsvarsmenn Norðuráls eftir að funda með Verkalýðsfélagi Akraness og öðrum félögum sem eiga aðild að kjarasamningi Norðuráls. Forsvarsmenn Norðuráls vildu upplýsa stéttarfélögin um að fyrirtækið krefjist þess að verktakar sem vinni að stækkun álversins fylgi í einu og öllu lögum og reglum sem gilda á íslenskum vinnumarkaði, enda komi þessi krafa skýrt fram í samningum Norðuráls við verktaka sína. Á fundinum kom fram að Norðurál líti það mjög alvarlegum augum ef þeir verktakar sem vinna við stækkun álversins fylgi ekki þessum samningum. Norðurál gaf jafnframt út þá yfirlýsingu að þeir muni, að gefnu tilefni, afla frekari gagna hjá verktökum sínum um þá erlendu starfsmenn sem vinni að stækkun álversins. Formenn stéttarfélaganna og forsvarsmenn Norðuráls munu funda aftur fljótlega til að fara betur yfir málin.
Verkalýðsfélag Akraness vill taka ofan af fyrir forsvarsmönnum Norðuráls í þessu máli og skorar á aðra vinnuveitendur að taka þá sér til fyrirmyndar í þessu efni.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
