Starfgreinasamband Íslands hefur boðað til fundar í dag. Dagskrá fundarins er um erlent vinnuafl og átakið Einn- réttur ekkert svindl. Á fundinum verður einnig farið yfir hvað aðildarfélögin innan Starfsgreinasambandsins hafa verið að gera í þessum málum heima í héraði eins og sagt er. Eins og allir vita sem lesa heimasíðu félagsins reglulega þá hefur VLFA haldið uppi reglulegu eftirliti með erlendu vinnuafli. Eftirlitið er fólgið í því að fara inní fyrirtæki og athuga hvort erlendu starfsmennirnir séu með atvinnuleyfi og einnig hvort fyrirtækin sem eru með erlenda starfsmenn í vinnu séu að borga eftir íslenskum kjarasamningum. Verkalýðsfélag Akraness hefur fengið fjöldann allan af ábendingum um ólöglegt vinnuafl öll þessi mál eru könnuð til hlítar. Frægast er málið með pólverjana fimm sem ráðnir voru í gegnum pólska starfsmannaleigu, enginn þeirra voru ekki með atvinnuleyfi. Einnig vantaði mikið uppá að starfsmennirnir fengu greitt eftir íslenskum kjarasamningum en þeir voru með 320 kr á tímann. Verkalýðsfélagið kærði Spútnik báta fyrir brot á lögum um útlendinga, sátt náðist í þessu máli og eru pólverjarnir nú með atvinnuleyfi og eru með 948 kr. á tíman í dagvinnu og vinna alfarið eftir íslenskum kjarasamningum. Nú í vikunni gerði Verkalýðsfélag Akraness alvarlegar athugasemdir með laun þriggja Portúgala og brást fyrirtækið sem Portúgalarnir vinna hjá skjótt við og leiðrétti laun starfsmannanna strax, en launakjörin hjá þeim náði ekki lágmarkslaunum. Verkalýðsfélag Akraness er nú með eitt fyrirtæki til skoðunar sem er með erlenda starfsmenn í vinnu. Það er gríðarlega mikilvægt fyrir stéttarfélögin vítt og breytt um landið að vera á varðbergi vegna alls þessa. En ólöglegt vinnuafl hefur stóraukist á undanförnum mánuðum og því miður hafa sum fyrirtæki greidd þessum erlendu starfsmönnum langt undir íslenskum kjarasamningum eins og dæmin sanna rækilega. Þessi háttsemi fyrirtækja sem haga sér með þessum hætti er að stórskaða íslenskan vinnumarkað og sér í lagi íslenskt verkafólk.
Eftirlit með ólöglegu vinnuafli og þeim undirboðum sem því fylgir hefur borið mikinn árangur hjá Verkalýðsfélagi Akraness
Eftirlit með ólöglegu vinnuafli og þeim undirboðum sem því fylgir hefur borið mikinn árangur hjá Verkalýðsfélagi Akraness
Fleiri fréttir
Félagsmenn Verkalýðsfélags Akraness eru duglegir að nýta rétt sinn í sjúkrasjóði félagsins. Á fyrstu níu mánuðum ársins 2026 greiddi sjóðurinn út tæpar 134 milljónir króna. Þar af fóru rúmar 77 milljónir í sjúkradagpeninga og tæpar 57 milljónir í styrki og aðrar greiðslur.
Tæpar 76 milljónir króna voru greiddar vegna veikinda félagsmanna sjálfra og rúmar 1,25 milljónir vegna veikinda barna og maka. Sjúkradagpeningar geta numið allt að 780.000 krónum. Einnig er hægt að sækja um greiðslur vegna alvarlegra veikinda barna eða maka.
Það er líka ánægjulegt að sjá hvað félagsmenn nýta sjóðinn vel til að sinna heilsunni. Frá janúar til september fóru tæpar 15 milljónir króna í heilsueflingu og um 13,5 milljónir í heilsufarsskoðanir. Styrkurinn getur numið allt að 55.000 krónum í hvorum lið. Þá greiddi sjóðurinn um 12,5 milljónir í fæðingarstyrki og rúmar 6 milljónir vegna gleraugna og linsa. Fæðingarstyrkur getur numið allt að 170.000 krónum og styrkur vegna gleraugna eða linsa allt að 70.000 krónum.
Félagsmenn geta einnig sótt um allt að 100.000 krónur vegna viðtalsmeðferðar og sömu fjárhæð vegna heyrnartækja. Styrkur vegna sjúkraþjálfunar, sjúkranudds eða meðferðar hjá kírópraktor getur numið allt að 50.000 krónum. Þá er hægt að sækja um allt að 200.000 krónur vegna glasa- eða tæknifrjóvgunar eða ættleiðingar og allt að 10.000 krónur vegna göngugreiningar.
Þetta eru peningar sem muna um. Þegar veikindi koma upp eða fólk þarf að leggja út fyrir gleraugum eða sjúkraþjálfun skiptir máli að vita hvaða stuðningur er í boði. Ég hvet félagsmenn til að kynna sér rétt sinn og hafa samband við okkur á skrifstofu VLFA ef þeir eru í vafa um hvað þeir eiga rétt á.
Hagstofa Íslands birti í morgun nýjar tölur um afkomu viðskiptahagkerfisins árið 2025. Þær ná til rúmlega 38 þúsund rekstraraðila með um 147 þúsund starfsmenn og gefa mynd af stórum hluta almenna vinnumarkaðarins utan fjármála- og vátryggingastarfsemi. Þetta er fólkið sem sækir og vinnur fiskinn, byggir húsin, framleiðir vörurnar og sinnir verslun og þjónustu.
Með vinnu sinni skapar þetta fólk stóran hluta þeirra verðmæta sem íslenskt samfélag byggir á. Af hverjum 100 krónum í samanlagðar tekjur fóru 21 króna og 60 aurar í laun og launatengd gjöld og 9 krónur og 52 aurar stóðu eftir í rekstrarhagnað fyrir fjármagnsliði. Það jafngildir 44 krónum í rekstrarhagnað fyrir hverjar 100 krónur í launakostnað. Heildartekjur námu 7.354 milljörðum króna. Laun og launatengd gjöld námu 1.588 milljörðum króna. Rekstrarhagnaður fyrir fjármagnsliði var 700 milljarðar króna. Hagnaður eftir skatt var 518 milljarðar króna. Eigið fé í árslok nam 6.492 milljörðum króna, eða 43,9% af eignum.
Í sjávarútvegi og fiskvinnslu fór hagnaður eftir skatt úr 40,9 milljörðum króna árið 2024 í 63,7 milljarða árið 2025. Það er aukning um 22,7 milljarða, eða 55,5% á einu ári. Tekjur jukust um 15,0% og launakostnaður um 10,2%. Laun og launatengd gjöld jukust um 12,1 milljarð króna, en hlutfall þeirra af tekjum lækkaði úr 27,5% í 26,4%. Bókfærðar skuldir viðskiptahagkerfisins námu 8.209 milljörðum króna í árslok og nettókostnaður af fjármagnsliðum var 194 milljarðar. Það er morgunljóst að lægri verðbólga og hagstæðari fjármögnunarkjör skipta fyrirtækin miklu máli.
Það er rétt að hnykkja á því að tæpar 80 krónur af hverjum 100 krónum í tekjur standa eftir þegar launakostnaður hefur verið dreginn frá. Þær fara í hráefni, aðkeypta þjónustu, annan rekstrarkostnað og afskriftir eða standa eftir sem rekstrarhagnaður. Þegar launahækkanir eru nefndar til að skýra verðhækkanir eigum við að fá að sjá hvernig tekjurnar og allir þessir liðir hafa þróast. Það á að leggja allan reikninginn á borðið.
VerkalýðsfélagAkraness
Til skrifstofunnar geta félagsmenn leitað eftir upplýsingum og annarri aðstoð.
Kt. 680269-6889
Hafa samband
- Þjóðbraut 1, 300 Akranes
- Sími 430 9900
- vlfa@vlfa.is
- Senda fyrirspurn
Afgreiðslutími
- Mánudaga–fimmtudaga
kl. 8:00–16:00 - Föstudaga
kl. 8:00–15:15
Utan afgreiðslutíma má ná í formann félagsins í síma 865 1294.