"Þetta er mikið áhyggjuefni, ekki síst vegna þess að menn voru nýbúnir að gera hér kjarasamninga þar sem þeir stilltu kröfum sínum í hóf til að tryggja svokallaðan stöðugleika," segir Aðalsteinn Baldursson, formaður Verkalýðsfélags Húsavíkur. Vísitala neysluverðs hefur hækkað um 3,9 prósent síðastliðna tólf mánuði, samkvæmt upplýsingum frá Hagstofu Íslands. Undanfarna þrjá mánuði hefur vísitala neysluverðs hækkað um 2,2 prósent sem jafngildir níu prósenta verðbólgu á ársgrundvelli.
"Ég lít þetta alvarlegum augum og ef þróunin heldur svona áfram erum við í vondum málum." Aðalsteinn telur forsendur kjarasamninga í hættu þar sem verðbólga sé langt umfram þau mörk sem sett hafi verið. Áhrifin verði þó metin yfir lengra tímabil. "Þetta er stóralvarlegt mál og kallar á aðhald í ríkisfjármálunum."
"Við höfum áhyggjur af verðlagsþróuninni, ekki síst vegna kjarasamninga," segir Ingunn Þorsteinsdóttir, hagfræðingur hjá Alþýðusambandi Íslands.
"Grunnforsenda kjarasamninga er að verðlagsþróun verði í takt við verðbólgumarkmið Seðlabankans sem er 2,5 prósent. Við höfum því áhyggjur af að forsendur kjarasamninga muni bresta ef verðlagsþróun verður áfram með sama hætti."
Ingunn segir líklegt að Seðlabankinn muni halda áfram að hækka stýrivexti. "Þá er ekki síður mikilvægt að ríkisvaldið grípi til aðhaldssamra aðgerða í ríkisfjármálunum þannig að meginþungi aðgerðanna liggi ekki á Seðlabankanum."
Að sögn Ingunnar mun ASÍ fylgjast náið með þróun verðlags á næstu mánuðum. "Verðlagsþróunin fer eftir því hvernig viðbrögðin verða í hagkerfinu og hvort verðlagsþróunin gengur að einhverju leyti til baka." Frétt sem birtist í fréttablaðinu í dag.
Stjórn Verkalýðsfélags Akraness hefur ráðið í stöðu skrifstofumanns. Alls voru 17 sem sóttu um starfið, það var afar vandasamt fyrir stjórn félagsins að velja úr svo hæfum hópi umsækjenda.
En niðurstaða stjórnar var að ráða Auði Finnbogadóttur í starfið. Auður hefur starfað hjá Haraldi Böðvarssyni sem launafulltrúi í 28 ár, og er því með gríðarlega reynslu af skrifstofustörfum. Hún mun hefja störf 18. júlí. Haraldur Ingólfsson hefur látið af störfum sem framkvæmdastjóri félagsins, og vill stjórn félagsins þakka Haraldi kærlega fyrir frábært starf í þágu Verkalýðsfélags Akraness. Hugrún Olga Guðjónsdóttir hefur tekið við starfi framkvæmdastjóra Verkalýðsfélags Akraness.
Rétt í þessu var að ljúka félagsfundi þar sem kosið var um kjarasamning Starfsgreinasambands Íslands og fjármálaráðherra f.h. ríkisjóðs sem undirritaður var 7. apríl 2004. Á kjörskrá voru 80, alls greiddu 25 atkvæði eða 31% félagsmanna.
Já sögðu 22 félagsmenn eða 88%
Nei sögðu 2 félagsmenn eða 8%
Auðir og ógildir seðlar voru 1 eða 4%
Niðurstaða liggur fyrir, kjarasamningur Starfsgreinasambands Íslands og fjármálaráðherra f.h. ríkisjóðs frá 7. apríl er samþykktur í Verkalýðsfélagi Akraness.
Verkalýðsfélag Akraness óskar öllum sjómönnum til hamingju með daginn. Með von um að kjaradeilu ykkar ljúki sem allra fyrst.
Verkalýðsfélag Akraness vann stóran sigur í dag þegar forsvarsmenn Klafa hörfuðu frá fyrri túlkun sinni á kjarasamningi, og féllust á túlkun félagsins. Ágreiningurinn var sá að forsvarsmenn Klafa, töldu sig geta greitt eftir tveimur kjarasamningum þ.e.a.s þeir starfsmenn sem störfuðu áður hjá Íslenska Járnblendifélaginu myndu halda óbreyttum launum, en þeir starfsmenn sem síðar kæmu til starfa hjá fyrirtækinu myndu fá greitt eftir kjarasamningi Samtaka atvinnulífsins og Starfsgreinasambands Íslands, sem eru umtalsvert lakari kjör. Þetta var sem sagt túlkun forsvarsmanna Klafa.
Stjórn Verkalýðsfélags Akraness leitaði til lögmanns félagsins, þegar það kom í ljós að stjórnendur Klafa neituðu að leiðrétta laun tveggja starfsmanna sem ekki voru að fá greitt eftir gildandi kjarasamningi. Lögmaður félagsins var fyllilega sammála túlkun stjórnar félagsins um að einungis væri einn kjarasamningur í gildi milli Klafa og Verkalýðsfélag Akraness, og í honum stendur orðrétt.
“Í tengslum við stofnun Klafa ehf. hefur eftirfarandi orðið að samkomulagi hvað varðar kjaraatriði fyrir starfsmenn hins nýja félags Klafa. Kjarasamningur Íslenska járnblendifélagsins hf. gildir hvað varðar öll kjaraatriði og gildistíma, með þeim fyrirvörum sem í samkomulagi þessu greinir.” Skýrara gat það vart verið.
Verkalýðsfélag Akraness var staðráðið í að leita til dómstóla með þetta mál til að varðveita rétt okkar félagsmanna, en eins og að ofan greinir kom ekki til þess þar sem stjórnendur Klafa féllust á að leiðrétta laun tveggja starfsmanna aftur í tímann hljóðar sú leiðrétting uppá 689.854, krónur til þessa tveggja starfsmanna sem nánast skiptist í tvennt milli þeirra. Því til viðbótar munu þeir fá sömu laun og aðrir starfsmenn Klafa
sama hvort þeir hafi verið fyrrverandi starfsmenn ÍJ eða ekki, munar það vel á annan tug þúsund króna í laun á mánuði. Það er og verður stefna stjórnar Verkalýðsfélags Akraness, ef við teljum og höfum fengið mat á því að það sé verið að brjóta á réttindum okkar félagsmanna þá mun stjórn VLFA fylgja þeim málum eftir af fullum þunga.
Nú hefur farið fram úthlutun og endurúthlutun á orlofshúsum/íbúðum félagsins. Enn eru þó nokkrar vikur lausar til útleigu. Yfirlit yfir lausar vikur er hægt að skoða ef smellt er á "orlofshús" hér til hliðar. Hægt er að hringja á skrifstofu félagsins og semja um leigu, síminn er 430-9900, eða koma á Sunnubraut 13, opið er frá kl. 9-16. Fyrstur kemur fyrstur fær!
Viljum minna á fundinn um ríkissamninginn þriðjudaginn 1. júní kl 20:00 að Kirkjubraut 40. 3, hæð. Þeir sem vinna eftir ríkissamningum eru eindregið hvattir til að mæta.
Ríkissáttasemjari hefur boðað formann félagsins ásamt þremur fulltrúum úr samráðsnefnd SHA til fundar fimmtudaginn 3. júní. Þar mun samráðsnefndin hitta samninganefnd ríkisins, og fara yfir þá stöðu sem upp er komin eftir að starfsmenn SHA felldu ríkissamninginn á félagsfundi 24 maí.
Formaður félagsins ásamt þremur starfsmönnum síldarbræðslunnar munu funda í húsakynnum ríkissáttasemjara á föstudaginn kl 13:00. Þar munu hefjast viðræður um nýjan kjarasamning fyrir þá starfsmenn sem vinna í síldarbræðslunni hjá HB-Granda.
Dagskrá fundarins var staðan í samningamálum félagsins. Mestur tími fór í að ræða þá stöðu sem upp er komin í ríkissamningum, en eins og fram kemur hér á heimasíðunni var ríkissamningurinn felldur í gær. Ennfremur voru sjómannasamningarnir til umræðu, kom fram í máli formanns að ríkissáttasemjari hefur ákveðið að kalla samninganefndir deiluaðila ekki saman fyrr enn í ágúst, Kjarasamningur samiðnar var líka til umræðu sem og nýgerður vaktasamningur við HB-Granda
Niðurstaða atkvæðagreiðslu um kjarasamning Starfsgreinasambands Íslands annars vegar og fjármálaráherra f.h. ríkissjóðs hins vegar, sem undirritaður var 7. apríl 2004 liggur nú fyrir. Á kjörskrá voru 2134 en 33% greiddu atkvæði um samninginn í öllum félögunum, þannig að 81,3% samþykktu hann en 18% greiddu atkvæði gegn samningnum. 0,7% atkvæða voru auð eða ógild. Samningurinn er því samþykktur í öllum viðkomandi aðildarfélögum sambandsins sem málið varðar, nema hjá Verkalýðsfélagi Akraness og hjá Verkalýðsfélaginu Vöku, Siglufirði. Á Akranesi greiddu 32 félagsmenn atkvæði eða 40%. Af þeim sem greiddu atkvæði höfnuðu 28 samningnum eða 87,5%. Á Siglufirði greiddu 17 atkvæði um samninginn eða 41,5% en þar höfnuðu 16 samningnum eða 94,1%
|
Hjá stærstu félögum SGS, var samningurinn samþykktu með miklum mun: 92,4% hjá Eflingu- stéttarfélagi í Reykjavík, 96% hjá Einingu Iðju á Akureyri, 72% í Keflavík og í Grindavík, en þar var talið saman og 93% á Selfossi. kranesi, höfnuðu 28 samningnum eða 87,5%. Á Siglufirði greiddu 17 atkvæði um samninginn eða 41,5% en þar höfnuðu 16 samningnum eða 94,1%
Hjá stærstu félögum SGS, var samningurinn samþykktu með miklum mun: 92,4% hjá Eflingu- stéttarfélagi í Reykjavík, 96% hjá Einingu Iðju á Akureyri, 72% í Keflavík og í Grindavík, en þar var talið saman og 93% á Selfossi. |
Í gær lauk atkvæðagreiðslu um kjarasamning Samiðnar við Samtök atvinnulífsins. Á kjörskrá voru 80 félagsmenn, 8 eða 10% greiddu atkvæði. JÁ sögðu 8 (100%) Kjarasamningurinn er því samþykktur hjá Verkalýðsfélagi Akraness.
Á kynningarfundi í gær var ríkissamningurinn borinn upp til atkvæðagreiðslu, eftir að Snær Karlsson frá SGS hafði farið yfir helstu atriði samningsins, og svarað spurningum frá félagsmönnum. Ennfremur kynnti formaður félagsins nýgerðan stofnanasamning sem samráðsnefnd Verklýðsfélags Akraness hefði undirritað í gær. Það kom skýrt fram hjá starfsmönnum SHA sem tóku til máls á fundinum að þeir teldu að það hefði verið meginmarkmið hjá samningarnefnd SGS að færa kjaraumhverfi okkar félagsmanna nær því sem er að gerast hjá starfsmönnum ríkisins. Það er mat starfsmanna SHA að svo sé alls ekki um að ræða í þessum samningi og enn sé töluverður launamunur á milli okkar félagsmanna og þeirra sem starfa hjá ríkinu.
Í lok fundarins var kosið um ríkissamninginn, á kjörskrá voru 80 félagsmenn, alls kusu 32 félagsmenn. 28 sögðu nei og 4 sögðu já. Ríkissamningurinn var því felldur með afgerandi hætti. Kom fram í máli formanns félagsins þegar úrslit kosninganna lágu fyrir, að hann harmaði að sú mikla samstaða sem var búin að skapast hjá aðildarfélögum SGS væri því miður ekki lengur til staðar, og taldi formaður félagsins að á brattann yrði að sækja með frekari kjarabætur. Lýsti formaðurinn yfir mikilli ánægju með þá miklu samstöðu sem ríkir meðal starfsmanna SHA í þessu máli og með hana að vopni er vonandi allt hægt.
Kynningarfundur um ríkissamninginn. verður haldinn mánudaginn 25. maí kl 20:00, að kirkjubraut 40, 3. hæð.
Dagskrá
1. Snær Karlsson frá SGS kemur og kynnir ríkissamninginn
2. Kynntur verður stofnanasamningur við starfsmenn SHA.
3. Kosningar-kosið verður um ríkissamninginn.
4. Önnur mál.
Þeir félagsmenn sem vinna eftir ríkissamningum eru eindregið hvattir til að mæta.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
