Í frétt hér á heimasíðunni í gær kom fram að fátt gæti komið í veg fyrir að aðilar myndu skrifa undir nýjan kjarasamning í dag vegna Klafa ehf.  Ótrúlegt en satt þá er kominn upp ágreiningur sem varð þess valdandi að samningsaðilar gengu ekki frá undirskrift í dag, og alls óvisst með framhaldið.  Formaður félagsins fundaði með starfsmönnum í dag og fór yfir stöðuna eins  hún lítur út þessa stundina.  Verkalýðsfélag Akraness er að skoða hvað hægt sé að gera í stöðunni.  En óhætt er að segja að staðan hefur breyst töluvert á þessum eina sólahring.  Nú er bara að vona að aðilum beri gæfa til að leysa það sem útaf stendur, þótt útlitið sé vissulega dekkra en það var fyrir fundinn í dag.